鹹魚都識飛7: 食杯麵比雷劈之旅: CX219 HKG-MAN 小弟因為心入面好多嘢煩，一直未有意願寫呢篇文，直到拖咗3個幾月先寫；而作為小弟喺英國留學2年嘅高中生活嚟講，呢程亦都應該係小弟最後一次去英國嘅航班喇 又係必經之路青馬大橋 習慣上提早去T1 check-in 見普通Econ counter冇人就即刻過去 因為小弟嘅冬天衫其實已經喺英國，所以淨係帶咗少量零食同書籍，行李僅僅16kg，非常輕 因為早咗好多到機場，所以決定返去東涌行下先，落去抵港大堂嗰層去坐S1；因為當時防疫限制已經放鬆咗唔少，所以唔少香港人去完旅行返嚟，同上年嚟講的確熱鬧唔少 傍晚返嚟離港大堂，可見離港航班多咗好多 上年得2塊板就可以顯示到全日嘅航班，而家就可以4塊板半日，算係唔錯喇 北面離港大堂遠離最多人嘅A B C D check-in區，所以會比較少人，過security check會快啲 當時仍然分開橙色區，大陸航班用1-8號閘，其他航班用其他閘，去咗後面就唔可以去返前面；相關政策好似好快已經取消咗 成個客運大樓呢個位特別唔夾style，啲色完全唔match 不過新屎坑三日香，始終都想上去條玻璃橋 下面冇飛機經過 不過SkyDeck就開咗 入面有啲赤鱲角機場嘅平面圖，少量歷史咁 Skydeck睇飛機可以見到咁嘅角度，好少可以見到飛機頂 過去對面嘅衛星客運樓，同主樓已經完全唔同風格 雖然13-22閘特別遠，但係相對之前要坐巴士已經快唔少 之後返去主樓到睇飛機 KLM嘅787-9（PH-BHE） 當時仍然要停BKK先繼續去AMS Lufthansa嘅A340-300（D-AIFF） 現時法蘭克福航班由A346執飛 英航787-9（G-ZBKL） 現時英航已經回覆返每日2班LHR，一部B789+A35K，之前嘅B77W同A388已經冇再嚟香港 Ethiopian嘅777-200LR（ET-ANP） B77L產量少，現時只有Ethiopian，Air India同Qatar Airways係主要嘅用家，之前Delta嗰批等緊改為貨機 最後見到我部機 CX A350-900XWB （B-LRS） 雖然之前都坐過5次A359，但係一直淨係坐B-LRC或者B-LRT，今次第6次坐A359先坐到第3部嘅機 同隔離部B-LQE嘅翼合照，可見B-LQ_ 同B-LR_ 嘅翼尖係有分別嘅 新款打卡柱 航班資...