鹹魚都識飛6: Menu回歸之旅 CX251 HKG-LHR 睇個標題都知篇嘢除咗份menu之外冇乜嘢期望架喇；飛當日爲適應時差將自己搞到好攰，所以啲相唔多，亦都唔會好高質，所以各位可以預期洗眼，或者上一頁走 經歷咗大約2個月嘅暑假，係時候返英國，返去上最後一年嘅中學。因爲家母之前幫我整咗個綠色菠蘿會，加上唔想我要轉機增加遺失行李同埋銜接唔到航班嘅機會，所以唔難估計，我就坐咗CX：現時唯一仍然營運前往英國嘅直航 話說走嗰日因爲仍然係移民潮，家母怕多人check-in同啲人多行李，決定早啲塞我入機場；儘管我再三同佢講綠卡係可以去PEY嘅專屬Counter Check-in，唔會對我有太大影響 當日就慢慢坐E41大埔碌入機場，非常感激仲要即班中當日嘅特見：MA4413@E41 唔知下年翻嚟仲坐唔坐到舊直呢？ 去到機場都係3點幾，根本成個機場都冇乜旅客 基本上用Economy都唔洗排隊 話說因爲希斯路機場個行李處理系統唔幾好，甚至會要喺成萬個喼之中搵自己個喼 於是買咗個極sharp嘅顏色，方便搵喼 同時將所有嘢谷曬落1個大喼，結果重到29.8kg 去到希斯路見到吊埋個heavy tag 之後坐咗S1落東薈城同屋企人一齊行下，不過好快又翻嚟機場 然後去麥記坐下兼再食個包 坐到咁上下就過曬安檢入禁區 機場嘅人氣係有嘅，但係只局限喺歐洲機同埋中東機囉 睇嚟好多人都要去個一去不返嘅旅行（大力點頭） 航班資訊都係同上年咁上下啦 唔知一日解決一個問題幾時先解決到呢個問題呢？ 駁去衛星樓嗰條橋唔知係咪已經接近完成呢？ 23號閘前係小支支(del)專用閘，過咗23號閘之後就唔返得前面 有食蕉會幫你check boarding pass，亦會提你唔返得去前面 話就話係防疫，咁一齊check-in安檢過關，要傳染都會傳染；仲要唔通去外國唔會瀨嘢？（同6點禁堂食嗰種思維有異曲同工之妙） 不過whatsoever，去得外國嘅人對武廢都唔會太care嘅 有款新型嘅座椅可以坐 因爲多時間，所以去咗後面啲無人用嘅Gate 順便周圍睇下飛機 新嘅大灣衰航空 新嘅國泰A321neo 每日嚟香港嘅漢沙A340-300 當日大韓航空派...