鹹魚都識飛7: 首訪曼城之旅 CX216 MAN->HKG 話說小弟喺聖誕假本身無計畫返港，但係因為之前本來報咗嘅港大同中大都同時喺12月下旬進行實體面試，所以焗住要喺10月尾買返港機票。家母作為國泰狂熱分子，淨係肯買國泰機票，而當時國泰嘅LHR機票已經賣晒（Meanwhile 英航仍然有LHR HKG直航機票，而且係最後幾張），於是就買咗曼城機票。本身小弟所在嘅Cardiff有火車直達Manchester，所以認為對我唔太大影響，加上可以試多一個機場，於是妥協咗 不過冇耐之後就得知英國鐵路罷工，搞到非常麻煩，亦需要提前一晚喺機場過夜 6點坐TfW火車入機場 零度以下，未融雪嘅月台 由Manchester Airport the Station大樓去Terminal 2需要行大約8分鐘嘅行人天橋 少人少得可憐嘅Departure Hall，因為當日嘅離港航班已經走晒，所以departure嗰邊唯一嘅Starfuxks都已經收咗檔。當時已經夜晚8點半，未食嘢嘅小弟只可以落1層去Arrivals食成個Terminal唯一未收工嘅食肆：KFC 食完野返嚟Departures，成個hall得棵聖誕樹。值得一提，T2啱啱喺2021年完成咗翻新及擴張，所以睇落非常新 呆咗一晚，第二朝見到啲航班資訊。眼尖嘅可能發現當日有2隻國泰返香港，一陣再講。不過由於國泰喺曼城並冇獨家check-in counter，所以只會喺起飛前4個鐘開counter。小弟其實已經做咗online check-in，但係因為要寄倉行李，所以都要等counter開 MAN T2主場航空公司Jet2嘅Counter。Jet2飛好多英國旅遊熱點，所以都好多人排隊 自助check-in機，但無人用 話說小弟因為做咗online check-in，所以地勤只幫我寄行李。當時其實香港仲要填申報QRCode同24小時快測，不過地勤話我已經做咗online check-in，所以代表我已經清楚規矩，於是唔check快測🤷🏻♂️ （唔記得影櫃檯，當日只開4張枱，有廣東話職員） 張boarding pass可以試吓再薄啲，最討厭啲熱感紙boarding pass，連我張tempo紙巾都厚過佢啦🤷🏻♂️ 因為朝早出發嘅繁忙時間，所以就有近300人一齊排security，總共等咗45分鐘...